Нарадзіўся ў в. Зенькава, Віцебская губ. (цяпер в. Зенькава, Пастаўскі р-н, Віцебская вобл.). З сям’і сялян.

Да 1917 г. займаўся земляробствам. Член ВКП(б)Б (11.1918–09.1919, выбыў па раненні і страце дакументаў; з 1920). У Чырвонай арміі (04.1919–12.1926). Удзельнік грамадзянскай вайны. Ваяваў на Усходнім фронце. Быў цяжка ранены ў баі пад г. Чалябінскам (09.1919). Студэнт Камуністычнага ўніверсітэта Беларусі імя У. І. Леніна, г. Мінск (1926–192?), скончыў Камуністычны ўніверсітэт імя Я. М. Свярдлова, г. Масква.

Рэцэнзент «Крытыка-бібліяграфічнага бюлетэня» (1934, № 1–10), аспірант (на 1936) Бібліяграфічнага інстытута Дзяржбібліятэкі БССР. Працаваў над дысертацыяй пра беларускага пісьменніка З. Бядулю.

Арыштаваны ў г. Мінску (07.06.1936). Выключаны з ВКП(б). Асуджаны Асобай нарадай НКУС СССР (29.07.1936) да 3 гадоў ППК. Этапаваны ва Ухта-Пячорскі канцлагер НКУС, Комі, АССР. Вызвалены (07.06.1939).

Прызваны ў рады РСЧА Мелекескім РВК Куйбышаўскай вобл. (26.08.1941). Удзельнік Вялікай Айчыннай вайны (з 08.1941), радавы. Прапаў без вестак на фронце. Рэабілітаваны Ваеннай калегіяй Вярхоўнага суда БССР (24.08.1956).