Нарадзілася ў Латвіі ў сям’і інтэлігентаў.

Скончыла літаратурна-лінгвістычнае аддзяленне педагагічнага факультэта БДУ (1930). У 1930–1936 і 22.08.1945–20.03.1990 – супрацоўнік, з 22.08.1945 – галоўны бібліятэкар аддзела беларускай літаратуры і бібліяграфіі, у 22.08.1945–1952 гг. загадчык аддзела Дзяржбібліятэкі БССР. У 1946–1956 гг. па сумяшчальніцтве выкладчык на бібліятэчным факультэце Мінскага дзяржаўнага педагагічнага інстытута імя А. М. Горкага. Бібліёграф-даследчык у галіне беларускай літаратурнай бібліяграфіі. Член ВКП(б). Член Саюза пісьменнікаў СССР (1979). Імя Н. Б. Ватацы занесена ў “Кнігу Народнай Славы” Дзяржбібліятэкі БССР (08.08.1972). Заслужаны дзеяч культуры БССР (1963).

Працы: складальнік “Летапісу беларускага друку” (1930–1932); персанальных бібліяграфічных дапаможнікаў, прысвечаных беларускім пісьменнікам: М. Багдановічу, П. Броўку, П. Глебку, Я. Коласу, Я. Купалу і інш.; бібліяграфічных паказальнікаў і даведнікаў: «Белорусская литература» (1957), “Мастацкая літаратура Савецкай Беларусі (1917–1960)” (1962), “Беларускае літаратуразнаўства і крытыка (1945–1963)” (1964), “Беларуская савецкая драматургія” (1967), “Мастацкая літаратура Савецкай Беларусі (1961–1968)” (1971), «Белорусская литература» (1988, сумесна з М. Каваленка і Р. Сіпаковай), “Беларуская драматургія, 1966–1986” (1993); аўтар першага ў рэспубліцы дапаможніка для публічных бібліятэк “Беларуская літаратура і работа з ёю ў масавых бібліятэках” (1958); даследчык творчасці М. Багдановіча: “Максім Багдановіч. Жыццё і творчасць” (1968, разам з А. Лойкам), “Шлях паэта” (1975), “Максім Багдановіч” (1977) і інш.; аўтар артыкулаў бібліяграфічнай тэматыкі, прадмоў да выданняў; эксперт, рэцэнзент, сускладальнік і рэдактар бібліяграфічных дапаможнікаў: “Беларускі фальклор” (1926–1963) (1964), “Библиотечное дело в Белоруссии (XVI – 1917 г.)” (1982), “Кніга Беларусі: 1517–1917” (1986) і інш.

Узнагароды: медаль “За доблесную працу ў Вялікай Айчыннай вайне 1941–1945 гг.” (1945).