Кароткая даведка:
работнік Дзяржбібліятэкі БССР, бібліёграф, літаратуразнавец, заслужаны дзеяч культуры Беларусі, узнагароджана мёдалём
Імёны на іншых мовах:
Ватаци Нина Борисовна (руская); Ватацы Нина Борисовна (руская);
3401 сімвал
Даведка
Нарадзілася ў Латвіі ў сям’і інтэлігентаў.
Скончыла сямігадовую школу (1922). Пераехала ў Мінск (1926). Працавала зарысоўшчыкам у Беларускім краязнаўчым музеі (10.1926–09.1927). Вучоба на на літаратурна-лінгвістычным аддзяленні педагагічнага факультэта БДУ (1927–1930).
Бібліятэкар Дзяржбібліятэкі БССР (10.1930–09.1936).
Пераехала ў г. Архангельск (1936). Галоўны бібліёграф Дзяржбібліятэкі імя М. А. Дабралюбава, г. Архангельск (11.1936–09.1937). Пераехала ў г. Кіраў. Праца мастаком у мастацкай арцелі «Спартак» (10.1937–08.1939). Пераехала ў г. Ульянаўск. Загадчык бібліятэкі, кіраўнік літаратурнага гуртка ў Рускім педагагічным вучылішчы, навуковы супрацоўнік у Мастацкім музеі (07.09.1939–08.1941).
У перыяд Вялікай Айчыннай вайны працавала мастаком у арцелі «20 гадоў Кастрычніка», г. Мелекес, Куйбышаўская вобл. (люты – 25.04.1942). Сакратар па вучэбнай частцы ў ветэрынарным тэхнікуме, г. Мелекес (25.04–20.08.1942). Загадчык бібліятэкі Эвакуацыйнага шпіталя № 1701, г. Мелекес (21/22.08.1942–13.08.1945). Член ВКП(б) з ліпеня 1945 г. Пераехала ў Беларусь (08.1945).
Галоўны бібліятэкар (з 22.08.1945), загадчык аддзела беларускай літаратуры і бібліяграфіі (з 24.05.19480), галоўны бібліёграф (з 11.11.1979), старшы бібліёграф аддзела беларускай літаратуры і бібліяграфіі (з 15.03.1980; з 02.12.1985 на 0,5 стаўкі), старшы бібліёграф навукова-бібліяграфічнага аддзела (01.01.1988–20.03.1990; на 0,5 стаўкі) Дзяржбібліятэкі БССР. Па сумяшчальніцтве выкладчык на бібліятэчным факультэце МДПІ імя А. М. Горкага (1946–1956). Член Саюза пісьменнікаў СССР (1979).
Працы: складальнік бібліяграфічнага выдання «Летапіс беларускага друку» (Мінск, 1930–1932), персанальных бібліяграфічных дапаможнікаў, прысвечаных беларускім пісьменнікам: М. Багдановічу, П. Броўку, П. Глебку, Я. Коласу, Я. Купалу і інш.; аўтар-складальнік бібліяграфічных выданняў «Мастацкая літаратура Савецкай Беларусі (1917–1960)» (Мінск, 1962), «Беларускае літаратуразнаўства і крытыка (1945–1963)» (Мінск, 1964), «Беларуская савецкая драматургія» (Мінск, 1967), «Мастацкая літаратура Савецкай Беларусі (1961–1968)» (Мінск, 1971), «Беларуская драматургія, 1966–1986» (Мінск, 1993); адна са складальнікаў рэкамендацыйнага бібліяграфічнага паказальніка «Белорусская литература» (Москва, 1957, 1988); аўтар першага ў рэспубліцы дапаможніка для публічных бібліятэк «Беларуская літаратура і работа з ёю ў масавых бібліятэках» (Мінск, 1958); даследчык творчасці М. Багдановіча: «Максім Багдановіч. Жыццё і творчасць» (Мінск, 1968, разам з А. Лойкам), «Шлях паэта» (Мінск, 1975), «Максім Багдановіч : паказальнік твораў, аўтографаў і крытычнай літаратуры» (Мінск, 1977) і інш.; рэдактар бібліяграфічных выданняў «Беларускі фальклор (1926–1963)» (Мінск, 1964), бібліяграфічнага паказальніка «Библиотечное дело в Белоруссии (XVI в. – 1917 г.)» (Минск, 1982), «Кніга Беларусі: 1517–1917» (Мінск, 1986) і інш.
Узнагароды: медалі «За перамогу над Германіяй у Вялікай Айчыннай вайне 1941–1945» (03.1946), «За доблесную працу ў Вялікай Айчыннай вайне 1941–1945 гг.» (25.05.1946), «За працоўную доблесць» (03.1949), «За доблесную працу ў азнаменаванне 100-годдзя з дня нараджэння У. І. Леніна (1870–1970)» (20.04.1970), значок «За выдатную працу» (14.06.1958); заслужаны дзеяч культуры БССР (17.01.1963). Імя Н. Б. Ватацы занесена ў «Кнігу Народнай Славы» Дзяржбібліятэкі БССР (08.08.1972).
