Алексютовіч Мікалай Астапавіч

Дата нараджэння: 05.02.1921 Бахаравічы, в., Пухавіцкі раён, Мінская вобласць

Дата смерці: 27.04.1967 Мінск, г.

Кароткая даведка: работнік бібліятэкі, вучоны-філосаф, які адзін з першых даў навуковы аналіз светапогляду Скарыны і ўвёў у навуковы ўжытак творы беларускіх мысліцеляў XVІ–XVІІІ стст., педагог, удзельнік Вялікай Айчыннай вайны

Імёны на іншых мовах: Алексютович Николай Остапович (руская);

Нарадзіўся ў в. Бахаравічы Ігуменскага павета Мінскай губерні (цяпер Пухавіцкі раён, Мінская вобласць). З сям’і сялян.

Скончыў Дудзіцкую НСШ (1935). Член КП(б)Б. Супрацоўнік пошты, г. Мінск (1938–02.1939).

Бібліятэкар ІІІ разрада аўтаперасоўкі Дзяржбібліятэкі БССР (02.02–01.08.1939).

У радах РСЧА (25.09.1940–15.01.1947). Прызваны Кагановіцкім РВК г. Мінска. Удзельнік Вялікай Айчыннай вайны. Стралок 8-га асобнага штрафнога батальёна 311-й стралковай дывізіі, 61-я армія, 1-шы Беларускі фронт; афіцэр 30-й брыгады войск НКУС па ахове чыгункі, лейтэнант. Дэмабілізаваны. Вярнуўся ў Беларусь.

Скончыў аддзяленне філасофіі гістарычнага факультэта БДУ (1952). Кандыдат філасофскіх навук (1955). Супрацоўнік Інстытута філасофіі і права АН БCCР (з 1952), Беларускага тэхналагічнага інстытута, дацэнт (1963). Даследаваў гісторыю грамадска-палітычнай і філасофскай думкі, гісторыю рэлігіі і атэізму на Беларусі эпохі Сярэднявечча, асветніцкую дзейнасць, літаратурную творчасць і светапогляды Ф. Скарыны, С. Буднага, В. Цяпінскага, Л. Зізанія і інш.

Працы: «Передовая общественная и философская мысль в Белоруссии в XVI в. : автореферат диссертации…» (1955), «Скарына, яго дзейнасць і светапогляд» (1958), «Обзорная рецензия на изданные материалы, лекции по вопросам научного атеизма» (1961) і інш.

Узнагароды: медалі «За абарону Масквы» (01.05.1944), «За адвагу» (11.04.1945), «За перамогу над Германіяй у Вялікай Айчыннай вайне 1941–1945 гг.» (09.05.1945), «За абарону Каўказа» (04.12.1945).